ОХУ-аас Монгол Улсад суугаа ЭСЯ-наас дараах мэдэгдлийг гаргажээ. Мэдэгдэлд:
“ИТАР-ТАСС, Интерфакс, РИА Новости зэрэг мэдээ мэдээллийн сайтууд Оросын тал Орос, Монгол Улсын хил дээр байгаа тус улсын хилийн боомтын үйл ажиллагааг түр зогсоож, хилийг хаасан мэт ойлголт төрүүлж болзошгүй мэдээлэл гаргасан байна. Үүнтэй холбогдуулан Орос, Монгол Улсын хилээр БНХАУ-ын иргэд болон Монгол улсаар дайрч БНХАУ-аас ОХУ руу явах гуравдагч улсуудын иргэдийг түр нэвтрүүлэхгүй байх шийдвэр гаргасан хэмээн Элчин сайдын яам тодотгох завшаан тохиолдов.
Орос, Монгол Улсын хилийн боомтууд дээрх иргэдээс бусад иргэдэд хэвийн горимоор үйлчилж байна” гэжээ.
***
Тодотгоход, Монгол Улс 2019 онд хөрш орнуудтай хийсэн гадаад худалдааны 13 хувь буюу 1,798 сая ам.долларын худалдааг ОХУ-тай хийсэн байгаа юм. ОХУ-тай хийсэн худалдаа өмнөх оны мөн үеэс 0.1 хувиар өсжээ.
0 cэтгэгдэлтэй