УИХ-ын даргад Сангийн сайд хуулийн төсөл өргөн барив

2020-04-03 239 0

Улсын Их Хурлын дарга Г.Занданшатарт Монгол Улс, Олон улсын хөгжлийн ассоциацийн Санхүүжилтийн хэлэлцээрийг соёрхон батлах тухай хуулийн төслийг Сангийн сайд Ч.Хүрэлбаатар өргөн барьжээ.

Дэлхийн банкны буцалтгүй тусламжийн санхүүжилтээр 2013-2017 онд амжилттай хэрэгжсэн “Хөдөө аж ахуйн маркетинг” төслийн хоёрдугаар үе шат болох “Мал аж ахуйн эдийн засгийн эргэлтийг нэмэгдүүлэх төсөл”-ийг хэрэгжүүлэх аж.  Төслийг  Улаанбаатар хот болон 14 аймгийн 150 суманд хэрэгжүүлэх бөгөөд төслийн хүрээнд малын гоц халдварт өвчнийг 25 хувиар бууруулах, мах сүүний гарцыг 15 хувиар нэмэгдүүлэх, малын үнэ цэнийг 20 хувиар нэмэгдүүлэх, 20 мянган малчныг шууд хамруулах зэрэг бодлогын томоохон зорилтууд  хэрэгжүүлэхээр тусгажээ.

Уг төсөлд зориулж Дэлхийн банкнаас Олон улсын хөгжлийн ассоциацийн 30 сая ам.долларын зээлийг 1.25 хувийн хүүтэй, 30 жилийн хугацаатай, эхний 5 жил үндсэн зээлийн төлбөрөөс чөлөөлөх нөхцөлтэйгөөр олгох юм байна.

Мөн “Улаанбаатар хотын цэвэр агаар төсөл”-ийн нэмэлт санхүүжилтийн тухай хуулийн төслийг өргөн барьсан байна. Уг амжилттай хэрэгжиж байгаа бөгөөд нийслэлд шилжин ирэгсдийн тоо, тээврийн хэрэгслийн тоо жил тутам нэмэгдэж байгаа. Дээрх төслийн хэрэгжилтийн хугацаанд гарсан сайн үр нөлөөг өргөтгөх зорилгоор 12 сая ам.долларын хөнгөлөлттэй зээлийн нэмэлт санхүүжилт олгох юм  байна.

Холбоотой мэдээ

Баянгол дүүргийн Гэмт хэргээс урьдчилан сэргийлэх ажлыг зохицуулах салбар зөвлөлөөс “Хүний эрхийн төлөө-Бид” зөвлөгөөн зохион байгууллаа

“ХҮНИЙ ЭРХИЙН ТӨЛӨӨ-БИД” Нэгдсэн Үндэстний Байгууллагын Ерөнхий Ассамблейгаас Хүний эрхийн түгээмэл

2023-12-11

Эммануэль Макрон, Ле Пен нар Ерөнхийлөгчийн сонгуулийн хоёр дахь шатанд өрсөлдөнө

Францын одоогийн Ерөнхийлөгч Эммануэль Макрон болон хэт барууны үзэлт “Үндэсний Фронт” намын дарга М

2022-04-11

Г.Амартүвшин УИХ-ын гишүүний бүрэн эрхээсээ түдгэлзэнэ гэлээ

УИХ-ын гишүүн Г.Амартүвшин УИХ-ын гишүүнээс түдгэлзэхээ мэдэгдлээ. Өөрийн цахим хаягаараа "Ганиба

2022-04-10