Нээлттэй засгийн түншлэлийн зорилтыг төрийн захиргааны холбогдох байгууллагууд ахиц дэвшилттэй хэрэгжүүлж байна

2020-06-16 388 0

Монгол Улс олон улсын “Нээлттэй засаг түншлэлд” нэгдэн орсоноос хойш багагүй хугацаа өнгөрлөө. Энэ хугацаанд “үйл ажиллагааны үндэсний төлөвлөгөө-I” болон “үйл ажиллагааны үндэсний төлөвлөгөө-II”-ийг тус тус амжилттай хэрэгжүүллээ.

Дээрх хоёр төлөвлөгөөний үр дүнд суурилж  2019-2021 онд хэрэгжүүлэх “үйл ажиллагааны төлөвлөгөө-III”-г баталсан. Уг төлөвлөгөө нь голлох салбаруудыг хамарсан 13 зорилтын хүрээнд төр, иргэний нийгмийн байгууллагууд уялдаж ажиллах нөхцөлийг бий болгоход чиглэсэн. Тухайлбал:

–  Төрийн үйлчилгээг иргэдэд хүртээмжтэй, чанартай хүргэх, төрийн зарим үйлчилгээг цахим болгох, иргэдэд нээлттэй, шуурхай хүргэх /smart.gov.mn/, “иргэдэд нээлттэй 1111 төв”-ийн системийг шинэчлэн өргөжүүлж, худалдан авах ажиллагааг иргэдэд нээлттэй байлгах зорилгоор бие даасан агентлаг байгууллаа. Ингэснээр төр, иргэн, иргэний нийгмийн байгууллага хамтрах,  төрийн зарим чиг үүргийг төрийн бус байгууллагуудаар гүйцэтгүүлэх боломж нэмэгдсэн байна. Төрийн бодлого, төлөвлөлтөд иргэдийн оролцоог хангахаар 2019 оныг “төрийн үйлчилгээний жил” болгон зарлаж, хөндлөнгийн судалгааны байгууллагуудаар “иргэдийн сэтгэл ханамжийн судалгаа” авч үр дүнг төрийн бодлого, үйл ажиллагаа, үйлчилгээнд тусгах ажлыг хийж байна.

–  Боловсрол, эрүүл мэндийн үйлчилгээг цахим болгох зорилтын хүрээнд сургуулийн цахим бүртгэл, сургалтын байгууллага эцэг эхчүүдийн эргэх холбоо, цахим хичээл, зайн сургалт, хүний биеийн ерөнхий шинжилгээ, эмнэлэгийн хяналтыг цахимжуулж мөн иргэд боловсрол, эрүүл мэндийн үйлчилгээний чанарт хяналт тавьдаг системийг бий болгож байна.

–  Уул уурхайн баялгийг эдийн засгийн эргэлтэд оруулж  зөв зохистой ашиглах, иргэдэд тэгш хүртээх, уул уурхайн үйл ажиллагааны улмаас эвдрэлд орсон газрыг нөхөн сэргээх ажлыг үе шаттайгаар хийж хэрэгжүүлж байна. Үүнд: Хууль зөрчсөн иргэд, аж ахуй нэгжийн зөвшөөрлийг цуцлах хүртэл арга хэмжээ авч байна.  Мөн “Байгаль орчин аялал жуулчлалын төрийн захиргааны төв” байгууллагаас хог хаягдлын менежментийг сайжруулах хөтөлбөр боловсруулж батлуулан 2018-2040 он хүртэл хэрэгжүүлж байна.

Монгол Улсад нээлттэй засаг түншлэлийг төлөвшүүлэх, үр дүн, өгөөжийг нэмэгдүүлэхэд олон талын дэмжлэг үзүүлж, хамтран ажилдаг, төсөл хөтөлбөр болон донор байгууллагуудад чин сэтгэлээсээ талархал илэрхийлье.

Бидний түншлэгч болон НЗТ-ийн гишүүн орнууд та бүхэнд тогтмол мэдээллээ хуваалцаж, холбоотой ажиллаж байгаад мөн талархал илэрхийлье.

 

Засгийн газрын Хэрэг эрхлэх газрын дэд дарга У.Бямбасүрэн

Холбоотой мэдээ

Имартын хамт олон ISO 14001:2015, ISO 45001:2018 стандартыг амжилттай нэвтрүүллээ

Скай Хайпермаркет ХХК нь ISO 14001:2015, ISO 45001:2018 стандартыг нэвтрүүлэн баталгаажуулалтын гэ

2024-10-23

Хосбаярын ХОСЦЭЦЭГ: Бусдыг үргэлж сайн сайханд уриалж, үлгэрлэхийг хичээдэг

Та өөрийгөө манай уншигчдад товч танилцуулаач? -Би 1982 онд Улаанбаатар хотод төрсөн. Аав минь Бу

2024-09-30

Олимпын мөнгөн медальт тамирчин Б.Баасанхүүд ‘‘Скай Хайпермаркет’’ ХХК, Скайтел Групп, болон ‘‘Баттүшиг-Цэлмүүн’’ сан хамтран 100,000,000₮ гардууллаа

‘‘Парис-2024’’ зуны олимпын наадамд Жудо бөхийн төрлөөр эмэгтэйчүүдийн -48кг-ийн жинд өрсөлдсөн Үндэ

2024-08-21