Нийслэлийн Эрүүл мэндийн газар, Улсын Гуравдугаар төв эмнэлгийн хамтын ажиллагааны хүрээнд “Дүүргийн эмнэлэгт харвалт, шигдээсийн нэгж байгуулах төлөвлөгөө”-ний дагуу дүүргийн эмнэлгийн эмч, сувилагч нарыг тархины харвалт, шигдээсийн чиглэлээр сургахаар болсон билээ.
Энэ дагуу УГТЭ-ийн Харвалт, Зүрхний шигдээс, Сэргээн засах эмчилгээ, Эрчимт эмчилгээний нэгдсэн тасагт өнгөрсөн хоёрдугаар сараас эхлэн дүүргийн эмнэлгийн эмч, сувилагч зэрэг нийт 110 хүнийг хуваарилан сургаж байна.
Одоогийн байдлаар, дүүргийн эмнэлгийн Эрчимт эмчилгээ, Мэдрэл, Зүрх судас, Сэргээн засах эмчилгээний эмч болон Дотор, Мэдрэл, Эрчимт эмчилгээний сувилагч, хөдөлгөөн засалч зэрэг нийт 45 хүн УГТЭ-т ажлын байрны 14 хоногийн дагалдан сургалтанд хамрагдаж байгаа юм.
Тус сургалтаар УГТЭ-ийн Харвалт, шигдээсийн төвд үзүүлж буй орчин үеийн эмчилгээний шинэ технологийн гардан үйлдлийг дүүргийн эмч, мэргэжилтнүүд бүрэн эзэмшиж, мэдлэг ур чадвараа ахиулах боломжтой болсон.
Түүнчлэн НЭМГ-аас эмч, мэргэжилтнүүдээ сургаж дадлагжуулахын зэрэгцээ дүүргийн эмнэлгүүдэд тархины харвалт, шигдээсийн нэгжийг байгуулж эхлээд байна.
НИЙСЛЭЛИЙН ЭРҮҮЛ МЭНДИЙН ГАЗАР
0 cэтгэгдэлтэй