Арван настай охин цуглуулсан мөнгөө ОБЕГ-т хандивлажээ

2020-03-06 80 0

Арван настай И.Бямбасүрэн охин өнөөдөр Улсын онцгой комисст өөрийн цуглуулсан 200,300 төгрөгийг гардуулан өглөө.

Тэрбээр “Монгол билиг оюу” сургуулийн 5в ангийн сурагч юм. Шинэ жил, цагаан сар, төрсөн өдөр болоод аав, ээжийнхээ өгсөн мөнгийг цуглуулан ийнхүү хандивлаж байгаа гэдгээ хэлэв.

Нийт Монголынхоо ард иргэд, ахан дүүс, үе тэнгийн найзууддаа шинэ коронавируст халдвараас урьдчилан сэргийлж, бие биедээ байнга тусалж байгаарай хэмээн уриаллаа гэж Онцгой байдлын ерөнхий газраас мэдээллээ.