Нийслэлд үйл ажиллагаа явуулж байгаа аж ахуй нэгж, үйлчилгээний төвүүдийн доторх ариутгалыг тухайн байгууллага ариутгалын тусгай зөвшөөрөлтэй байгууллагатай гэрээ хийн хийлгэнэ.
Харин НЗДТГ-аас эрсдэл бүхий 6000 орчим цэгүүдэд 108,9 сая төгрөгийн төсвөөр хоёроос дээш удаа ариутгаж байна гэдгийг Улаанбаатар хотын Ерөнхий менежер Т.Гантөмөр хэллээ.
Нийслэлийн 180.8 км урттай хатуу асфалтан зам, 9.2 сая метр квадрат нийтийн эзэмшлийн талбайг ариутгахаар төлөвлөжээ.
Агаарын температурын хасах хэмд ариутгалын бодисын үйлчлэл сулардаг учир нэмэх хэм рүү орохоор нийтийн эзэмшлийн зам талбай, олон нийтийн ихээр холхидог газар, барилга байгууламж, автобусны буудлуудад ариутгал халдваргүйжүүлэлтийг нэгдсэн зохион байгуулалттайгаар хийнэ. Үүнд орчин үеийн дэвшилтэт технологи бүхий автомашин, тоног төхөөрөмжийг ашиглах гэнэ.
0 cэтгэгдэлтэй