“СOVID-19”-ийн халдвараас урьдчилан сэргийлж буй энэ үед татвараа цахимаар төлөхийг Татварын ерөнхий газраас уриаллаа.
Уриалгад, “Татвар төлөгчид татварын албаны etax.mta.mn, ebarimt системүүд ашиглан цахимаар татвараа төлснөөр халдвараас хамтдаа сэргийлэх боломжтой юм. Иргэн та татвараа төлснөөр коронавируст халдварын эсрэг ажиллаж буй эмнэлэг, онцгой байдал, цагдаагийн байгууллагын ажилтнуудыг ажлаа хэвийн явуулах нөхцөлөөр хангаж байдаг билээ” хэмээн мэдэгджээ.
Үүний өмнө татварын байгууллагаас “Covid-19”-ийн халдвараас сэргийлж өндөржүүлсэн бэлэн байдал зарласантай холбогдуулан татварын тайлан илгээх боломжгүй болсон татвар төлөгчдийн хүсэлтийн дагуу НӨАТ-ын тайлангийн хуулийн хугацааг энэ оны 3 дугаар сарын 13-нийг дуустал сунгасан юм.
эх сурвалж:Монцамэ
0 cэтгэгдэлтэй